ماذا أريد ؟
ومن أكون؟
أسئلة تدورفى كلامى والسكون.........
اجابات لا ترى بالعيون
أسبح فى بحر من الأوهام والظنون.........
ترى من أنا؟
سؤال يدل على جنون
لكنى أرى لمجيبه عقل رشيد
قدماى تهوى فى الطريق
هل من دليل؟
فالطالما بحثت ولم أجد
صوتا يجيب
وهذا من دواعى غربتى.........
هناك تعليقان (2):
السلام عليكم
إزيك يا رحاب؟
مبارك المدونة الجديدة ويارب تكون سبب من أسباب دخول الجنة
خاطرتك رائعة وإن كانت تدل على نفس كتومة..مش بتحب بسهولة حد يعرف مشكلتها
عشان كدا بتكتب
دي شخصية متعبة على فكرة
وبتعاني كتير
المهم..
من الناحية الأدبية..الأسلوب جميل
من الناحية النفسية:
ياريت لما تطرحي على نفسك سؤال..تجاوبي عليه..وأحيانا بنكون عارفين الإجابة بس تبعاً للحالة النفسية مش بنرضى نجاوب وبنسيب نفسنا تعبانة
الغوص في أعماق النفس والبحث عن الأسئلة صعبة الإجابة..دا شيء صعب ومتعب
لكن السطحية خاصة في التعامل مع النفس دا أسهل بكتير
تأمل الذات..برضه متعب
بيدخل في متاهات
كلنا عارفين نفسنا كويس..محدش مش عارف نفسه
وكلنا عارفين إيه الطريقة المثلى للتعامل مع النفس
بس احنا بنكسل..نتعامل بالمثلى
ولما بنكسل.وقتها بنتهم نفسنا بالغرابة والتعقيد
الكلام دالأني فعلاً مش حابة تغوصي في أعماق نفسك..عشان دا شيء متعب
وطبعاً الكتابة بتنم عما يجول في الداخل
ربنا يعينك
أنا قنبلة دعوية على فكرة
حبيبة قلبى قنبلة ربنا يبارك فيكى يا حبيبتى وكلامك صح مليون فى المية وماشاء الله تحليل ممتاز هو ده فعلا الى انا محتاجاه جزاكم الله خيرا ياقمر وان شاء الله نتقابل فى الكلية بقى
إرسال تعليق